Second lesson Concealer/ الدرس الثاني (الكونسيلر) مخفي العيوب

السلام عليكم و رحمه الله و بركاته...

اشتقت لكم!!

كيف حالكم يا جميلات؟

اعتذر عن التاخير بس لظروف اضطريت أأجل انزل الموضوع..

؛؛؛؛؛؛؛؛

ندخل لموضوعنا الأهم هو تكلمه من دروس اساسيات المكياج , الدرس الثاني هو عن الكونسيلر أو مخفي العيوب..

راح نتكلم عن:

(انواعه,عمله, ايجابيته و سلبياته, مكان تواجده و اسعاره)

يلا نبدأ!!

بسم الله..

الكونسيلر أو مخفي العيوب ,, يخفي لك اي نوع من انواع العيوب عندك سواء كان اثار حبوب, حبه حمراء, نمش , كلف, هالات تحت العيون كلها يغطيها و يوحد لون البشره و غير كذا يعطيك اضاءه لوجهك اذا ناسبك طبعا لون الكونسيلر و طبعا الكونسلير تحصلين منه الغالي و الرخيص, مو مهم السعر المهم الي يناسب نوع بشرتك و ترتاحين منه :)

ملاحظه: الكونسيلر ينحط بعد البرايمر قبل الاساس أو بعد الاساس الي تحبينه :)

طيب نتكلم عن اول نوع من انواع الكونسيلر :

1)- كونسيلر القلم

يعطي تغطيه متوسطه - يستعمل لتغطية الاثار/ العيوب الصغيره فقط!! وطبعا مايستخدم لتغطيه الهالات السوداء تحت العين لان ماراح يناسبه يعني بس تغطيه لاثار حبوب, نمش خفيف و عشان تقدرين تستفدين منه اكثر ينفع تحددين حواجبك فيه يعطيها شكل و بعد اضاءه لتحت الحاجب شي جميييل جدا جدا 

طبعا كل ماركات المكياج عندهم هذا النوع وعشان ماتخسرين ميزانيتك اشتريه من برجوا, مايبيلين او ريميل رخيصه و حلوه

2) كونسيلر السائل:

الكونسيلر السائل يعطي تغطيه خفيفه الى متوسطه. بس انه سهل للدمج و يغطي اكثر العيوب البارزه نفس الحبوب الحمرا الغثيثه راح يغطيها لك بشكل جميل و ينفع بعد للهالات المتوسطه الى الخفيفه راح يغطيها و بعد مايتكتل او يتجمع تحت العين حلوو 

جميع الماركات عندهم هذا النوع بس الي تحس هذا النوع المناسب لها تشتري من ماك لانه ماك نوعيه الكونسيلر عندهم ممتازه و عن تجربه :)

3)- الكونسيلر الكريمي 

الكونسيلر الكريمي هو اكثر نوع يعطي تغطيه وهذا النوع بالذات احطه فوق الاساس لانه يعطي اضاءه جميله جدا جدا يندمج بسهوله و ساعات يكون ثقيل ولونه غامق تحسينه / بس يغطي جميع العيوب و في بعض الماركات يحطونه على شكل عصار نفس ماركه (make up for ever) يعطي تغطيه عاليه و كامله يخلي وجهك صافي جدا جدا و برضوا (MAC STUDIO FINISH) يحتوي على نسبه ترطيب غير انه يغطي العيوب يرطب المنطقه يعني حتى الي كبار بالسن يقدرون يستخدمونه..

4)- الكونسيلر الأصبع

يستعمل للعيوب الصغيره هذا النوع من الكونسيلر ثقيل جدا و جاف عشان كذا ابدا ابدا مايستخدم لتحت العيون 

5)-كونسيلر الهايلايتر

في كثير يحسب انه هذا النوع من الكونسيلر انه يخفي العيوب بس هو ابدا ابدا مايخفي ولا حتى 1 من ميه هو بس يعطي اضاءه خفيفه و تقدرين تستعملينه على التجاعيد ليخفيها و حول الفم عشان (يكبرها). واحسن نوع هو من (Dior skinflash)

ملاحظه: عشان يتناسب لون الكونسيلر مع درجه الاساس الي تستخدمينه خلي الكونسيلر افتح من درجه الاساس بدرجتين الى ثلاثه مو اكثر و لا اقل عشان يطلع شكله حلو و مايطلع رمادي او يقلب لونه :)

هذا كان كل شي لدرس اليوم اتمنى انه عجبكم و استفدتوا منه ان شاءالله,, واذا عندكم اي اضافه او اسئله تقدرون تحطونه في ساحه التعليقات :)

i.coqutexxx

Review in multi care base+coat : Revlon

السلام عليكم و رحمه الله و بركاته..

شلونكم؟شخباركم؟

اليوم حابه اسوي ريفيو أو استعرض منتج تقريبا من اسبوعين شريته و كان وقته المناسب انه استخدمه..

راح اعرفكم على المنتج واشرح لكم ( لايش يستخدم, كيف استخدامه, ايجابياته, سلبياته, مكان الشراء و سعره) 

خلوكم معي! 

نبدأ بسم الله..

هذا صورة المنتج من ريفلون زي ماانتم شايفين عباره عن مناكير بس شفاف طبعا ايش وظيفته هو تحطينه قبل ماتحطين اللون بيس base وظيفته كبيس انه يحمي الاظافر من انه تكون صفرا او ضعيفه هنا مرحله العلاج حمايه وهذا الشي الايجابي فيه انه يعالج بس السلبي فيه انه يطول على بال ما ينشف عشان تحطين فوقه اللون يعني يبغالك من 10 -15 دقيقه عشان تقدرين تحطين اللون وهذا الشي ماحبيته.. 

بالنسبه لطبقه التوب او مثل مايقولون اللمسات الاخيره تحطينه بعد ماتحطين اللون يعطي للون لمعه مو طبيعيه و نعومه مره بحيث انك لو تلمسين اظافرك ماتحسين انها مليانه طبقات وثقيله كذا و يثبت لك اللون لايام مايتقشر معك و برضوا اللمعه تبقى معك لايام ..

المنتج بوجه عام جدا جميل بس النقطه السلبيه الي فيه انه ماينشف بسرعه بس .. وطبعا ان شاءالله راح ارجع اشتريه و بيكون من الاساسيات :)

اماكن الشراء :

- فافافوم (كل الفروع)

- وجوه (كل الفروع)

- سنتر بوينت (كل الفروع) 

- صيدليه بوتس فروع الرياض (طري خريص كارفور - صحارى مول - العثيم مول) واذا فيه مكان ماذكرته ممكن تكتبونه في ساحات التعليقات.

- دبنهامز (كل الفروع)

- صيدليه الحبيب فروع الرياض ( العليا - التخصصي - الريان )

و سعره : 30 ريال 

و طبعا هذا كل شي كان عن المنتج ان شاءالله يكون الرفيو عجبكم .. واذا في اي استفسار او اضافه تقدرون تكتبونه في ساحة التعليقات .. و بكون سعيده جدا انه  ارد على استفساراتكم ...

Have nice weekend <3

I.coqutexxx

FIRST LESSON : PRIMER البرايمر

السلام عليكم و رحمه الله و بركاته..

كيف أصبحتوا يا أميرات؟..

ندخخل في الموضوع على طول .. حبيتت اسوي شي جديد او مواضيع جديده نكون كلنا نستفيد تبادل خبرات وكل وحده تبدي رايها من المنتجات الي راح نتكلم عنها سواء كان النواحي الجيده من المنتج أو السيئه هذا واحد الشيء الثاني نتعلم مصطلحات ديده بالعربي و الأنقلش بيحث يكون عندنا معرفه و خلفيه و ان شاءالله راح تسهل مهمه الشراء لي و لكم بالمستقبل..

اليوم ان شاءالله حابه أتكلم عن أول اساس أو اول خطوه لوضع المكياج و راح اذكر كل من الاتي

1)- اسم المصطلح

2) وظيفته و فوائده و مساوئه

3)طريقه وضعه

4) أفضل الشركات

5) مكان تواجده و سعره..

يلا نبدأ..! بسم الله 

(البرايمر) (primer)

هو عباره عن خطوه مهمه و اساسيه بوضع المكياج و طبعا هو شي تحطينه بعد كريمات الترطيب , هو يجيك المنتج كريمي و متعدد الالوان و كل لون له وظيفته الي راح يحلها ببشرتك , وظيفة البرايمر انه يغطي كل العيوب الي ببشرتك و يصغر المسام بحيث انه ما يسمح للمكياج يدخل بالمسامات ويسبب مشاكل, يعطي لبشرتك اشراقه ونضاره و يعبي الخطوط الرفيعه في بشرتك بيحث مايعطي مجال للمكياج انه يسيح او حتى الكحل يسيح تحت العين يعطي ثبات .. 

بالنسبه لمساوئه مااشوف فيه عيوب بالعكس اعتبره منتج سحري و مااقدر استغني عنه .. 

و طريقه وضعه سهله جدا في بعض البرايمر يكون للوجه فقط من دون العيون و فيه العكس  للعيون غير الوجهه و في الجامع بين اثنين 

نجي لبعض البرايمرات تكون ملونه و بعضنا يتلخبط بينهم سهله نمسك لون لون و راح نشوف كل لون وشو وظيفته..

1) اللون الأخضر: وظيفته انه يغطي الاحمرار و الحبوب 

2)اللون الموف او البنفسجي فاتح جدا : لشحوب الوجهه يخفف منها 

3) اللون الزهري: يساعد البشره على انارتها ويعطيها منظر انه صحيه 

معلومه: قبل لا تشترين اي برايمر لازم تعرفين ايش نوع بشرتك هل هي دهنيه , جافه او مختلطه و تاخذين الي تحتاجينه . هاذي الخطوه مره مهمه..

الحين راح نشوف أفضل التصنيفات البرايمر على حسب شركتها و جودتها..

Makeup forever HD microperfectig primer 

سعره: 128 ريال 

مكان تواجده: محل وجوه, فافافوم,باريس غاليري, دبنهامز 

Smashbox photo finish foundation primer 

سعره:144 ريال

مكان تواجده: محل وجوه

MAC prep prime face protect spf 50

معلومه: هذا البرايمر من ماك و بنفس الوقت مصلح للبشره وفيه واقي شمس 50 يعني مايحتاج تحطين واقي هذا يكفي مرره

سعره: 106 ريال

مكان تواجده (في الرياض) : مجمع غرناطه, صحارى, الفيصليه و الي تعرف لهم فروع ثانيه تقدر تضيفهم :$

Clarins instant smooth perfecting touch

سعره:110 ريال 

مكان تواجده: محل وجوه , فافافو, باريس غاليري, دبنهامز

Sally Hansen naturally beauty inspired 

سعره: 80 ريال

مكان تواجده : هاذي الماركه بس لها فرع واحد في الرياض, السواني بفرع الفيصليه ..

PORE by benefit

سعره : 140 ريال 

مكان تواجده: سيفورا, وجوه..

وبيكون كذا تعلمنا أول اساس و مصطلح.. ان شاءالله يكون عجبكم الموضوع و استفدتوا منه !!

واذا عندكم اي اقتراحات او اضافات فيكم تكتبونها في ساحة التعليقات..

Have nice weekend :)

i.coqutexxx 

HOW to wear a lipstick in Marilyn Monroe's way..!! /طريقه مارلين مونروفي وضع أحمر الشفاه

السلام عليكم و رحمة الله وبركاته..

كيف حالكم يا جميلات؟.. 3> 

اليوم خطرت  لي فكره جديده.. قلت ليه ماادونها في المدونه صراحه حبيت تتطلعون عليها لان كثييير من البنات راح تعجبهم ان شاءالله الفكره الي جت معي :) 

طبعا الكل عارف النجمه الاولى في هوليوود مارلين مونرو طبعا معروفه بجمالها و ستايلها المميز جدا جدا وله شعبيه كبيره .. لحد الان الناس تبتكر وتستوحي افكارها من ستايلات الجميله مارلين مونرو ...

طبعا الكل مفتون في طريقه وضع مارلين المكياج و انا وحده منهم .. و جلست ابحث عن الارتست الخاص فيها .. 

اسمه:

 Allan whitey

كان هو مساعدها من اول مشهد لحتى في يوم دفنها هو الي مكيجها ..

و الي اكثر شي كنت مفتونه فيه طريقه مارلين مونرو بوضع الروج و الألوان الغامقه خاصه.. حصلت طريقتها بالتمام من كتاب الارتست حقها اسمه 

Allan "Whitey" tips&tricks 

و الحين راح افصل لكم الطريقه خطوه خطوه ان شاءالله..

Let's get start 

هاذي صوره مارلين بروج غامق 

الخطوه الاولى: الترطيب.. هاذي اول خطوه و أهم اساس عشان نمنع التشققات الي تطلع مع الروج ويطلع الشكل غلط في غلط 

و عندنا انواع كثيره من كريمات الترطيب للشفايف بس مارلين كانت ترطب شفايفها بفازلين لووووول قريته من كتاب موثق منه ..

الخطوه الثانيه : هي توحيد لون الشفايف قبل ماكان عندهم مخفي العيوب او الكونسيلر زي مانسميه.. كانوا يخفونه نفس الاساس أو الفاونديشن, فهنا بذي الخطوه في اختراع جميل من ماك هو عبار عن موحد لون الشفايف ويرطبها لك بالخروع و يعطيك ثبات يدوم للروج  هذا أجمل اختراع من ماك 

تحصلونه من اي فرع ماك .. سعره حوالي 129 ريال 

الخطوه الثالثه:

استخدام محدد الشفايف هي الخطوه الي راح يعطينا اللوك المثالي لمارلين ..

معلومه: تستخدمين لون محدد مطابق للون الروج الي راح تستخدمينه ويفضل لو انهم من نفس الماركه..

طبعا اول شي تسوينه تلونين شفايفك تغطينها كلها بالمحدد , وبعدين الشفه العلويه تمدين اطرفها شوي لبرا حدود شفايفك عشان يعطيها لوك انها مليانه و حاده .. 

زي ماهو موضوح بتحديد الصوره لمارلين 

الخطوه الرابعه: هي الروج.. طبعا وقتها مارلين كانت تستخدم 5 الوان بنفس الوقت لان ماكان متوفر بوقتهم جميع درجات الالوان زي مو متوفر عندنا الحين ,, وثانيا كان وقت التصوير الكاميرات تقلب كل شي لون البرتقالي فكانت مارلين تستخدم اللون الاحمر الاندر تون حقه يكون أزرق عشان يعطيها اللون المناسب او المطلوب ..

أنا استخدمت باليت من Makeup forever درجات مارلين نفسها الي كانت تستخدمها :)

هاذي صورة الباليت ومعها سواتش لكل لون

طبعا الحين ميك اب ماعاد يبيعون باليت صاروا يبيعون كل لون على حدا . وراح اكتب لكم أسماء الالوان الموجوده في الباليت 

from the left:

1-204

2-206

3-207

4-415

5-421

هاذي ارقام الارواج الي في الباليت..

الخطوه الخامسه : هي اخر خطوه خطوه الهاي لايت مارلين كانت تستخدم الهايلات على وسط شفايفها عشان يعطيها بريق و حجم اكبر.. وطبعا الهاي لايت هو عباره عن شدو او ظل لونه أبيض , أو ممكن تستخدمين أضاءه الحواجب, أو القلم الابيض .. حتى اذا ماتوفرت عندك عااادي جدا تستخدمين بودره الاطفال مجرد طبطبه بوسط الشفايف ..

و يكون كذا كشفنا الغطاء عن سر جمال شفايف مارلين مونرو بكل سهوله ..

أتمنى انه عجبكم الموضوع, واذا حابين أو عندكم اقتراحات لمواضيع ثانيه اكتبوها بساحه التعليقات :)

مع خالص تحياتي لكم,,,

i.coqutexxx

Feminine Care vol 1 / العناية الشخصيه الجزء 1

السلام عليكم ورحمه الله و بركاته ...

طبا مثل ما انتوا شايفين انه البلوق جديد :) و طبعا جاني الالهام انه ابداء بمدونتي من جميلات بلوقرز.. 

و منها اقضي وقت واسلي نفسي وافيدكم بالمعلومات الي عندي و انتوا برضوا تفيدوني ..

اوكي ندخل بالموضوع..

حابه اتكلم عن العنايه الشخصيه .. عارفه الكل بيقول كلنا نهتم وكذا! وشو الشي الجديد ..

العنايه الشخصيه انا قسمتها لكذا جزء حيث ناخذ راحتنا ونعرف وشو الماوئ الي ممكن تاذينا و المنافع واليوم بالتحديد حاه اتكلم عن النظافه الشخصيه جدا جدا خاصه للنساء ..

كثير مننا نهمل هاذي المنطقه ومتى نبدا نهتم فها بس قبل الزواج لووول بس بصراحه من خلال تجربتي المريره معها راح اشاركم بعض من الاشياء الي نفعتني وساعدتني اني اتخطى مرحلة الالتهابات..

أولا: الملابس الداخليه:

من كلام احدى الدكتورات لي انه لازم لازم لازم تفادي للالتهابات الي تجينا و الالم انه تغير الملابس الداخليه من 2-3 باليوم 

و لازم كل 6 شهور نجدد بالملابس الداخليه وطبعا القطن الطبيعي احسن واريح شي..

ثانيا: الغسولات:

الغسولات شي مهم تمنع من تراكم الباكتيريا و الفطريات و تكاثرهم في المنطقه حيث انه لازم نستعمل الغسول اللطيف من 1-2 باليوم

و افضل غسول بالنسبه لي هو care free تقدرون تحصلونه بالسوبر ماركت, بالصيدليات و سعره ما يتعدى الـ 20 ريال و يدوم معك اكثر من سنه .. 

و طبعا في نوع الثاني الي هو يجيك على شكل مناديل كمان تقدرين تحصلينه في السوبر ماركت و الصيدليات سعره مو اكثر من 20 ريال .. المناديل ممكن تاخينها معك للاماكن العامه, الدوام (عمل, جامعة, مدرسه) أو حتى للاسواق مفيده جدا وبتنفعك وبنفس الوقت هذا الغسول يرطب لك المنطقه وابدا مايتركها جافه وبكذا مايعطي مجال للفطريات و البكتيريا انها تتكاثر..

ثالثا: البادز / pads 

عباره عن فوط يوميه تلبسيها تمنع التعرق و تحافظ على ملابسك نظيفه طبعا هي خفيفه و ماراح تحسين انك لابسه شي و مريحه طبعا وقت النوم ماتنلبس كذا راح تكتمين المنطقه و ماراح تعطينها مجال تتنفس . تحصلونها في السوبر ماركت و الصيدليات, سعرها مو اكثر من 20 ريال..

الحين ننتقل للاشياء الي لازم لازم نتفاداها .. ابدا ابدا لا تقربين الصابون حول هاذي المنطقه سواء كان طبيه او بروائح لان 

1) بتسبب جفاف للمنطقه

2) بتسبب حكه وحساسيه

3) تسبب السواد الغير مرغوب فيه 

عشان كذا حبيباتي تجنبوا الصابون الغسيل يكفي و يوفي وراح تشوفون كيف هو خفيف ومريح على المنطقه..

و اخر شي أتمنى انه الموضوع عجبكم ونال على استحسانكم و استفدتوا منه ان شاءالله, واذا عندكم اي معلومه انتم اكثر من مرحبين انكم تكتبونها في ساحه التعليقات :) 

تقبلوا خالص تحياتي ,,,

I.coqutexxx